Daha bir rayonda qızılcaya 10 yoluxma qeydə alındı
![Daha bir rayonda qızılcaya 10 yoluxma qeydə alındı](https://sfera.az/photo/orginal/2023/12/05/1701802093_tecili-yardim.jpg)
Cəmiyyət
22:20 / 05.12.2023
9774
Oğuzda qızılca xəstəliyinə 10 yoluxma qeydə alınıb.
Sfera.az-ın məlumatına görə, rayon mərkəzindən və kəndlərdən qızılca xəstəliyi ilə Oğuz Rayon Mərkəzi Xəstəxanasının Yoluxucu xəstəliklər şöbəsinə 10 nəfər daxil olub.
Xəstəliyə yoluxanlardan 2-si bu gün xəstəxanaya daxil olub. Hazırda 1 nəfər stasionarda müalicə alır, 7 nəfərə isə ambulator müalicə göstərilib.
Qeyd edək ki, şimal-qərb bölgəsində qızılca xəstəliyinə ilk yoluxma halı sentyabrın ikinci ongünlüyündə Şəki Şəhər İnteqrasiya Təlimli İnternat Tipli Gimnaziyada qeydə alınıb. Oktyabrın birinci ongünlüyündə isə bölgədə Zaqatala rayonunda qızılca xəstəliyinə yoluxma qeydə alınıb. Dünən isə Qax rayonunda 2 nəfər bu xəstəliyə yoluxub.