“Kişilər daim yeni həvəslərin axtarışında olurlar” - Psixoloq

Müasir dövrün eybəcər reallıqlarından biri də xəyanətdir. Xəyanət boşanma səbəbləri arasında hətta ailədaxili şiddətdən sonra ikinci yerdədir.

Bəs, xəyanətin baş vermə səbəbləri nələrdir?

Mövzu ilə bağlı Sfera.az-a danan psixoloq Ülviyyə Kərim bildirib ki, bir sıra faktor xəyanətin səbəbi kimi çıxış edə bilər:

“Ən başlıca səbəb xəyanət düşüncəsi ilə yaşamaqdır. “Emosional aclıq”, yəni sevgi hissinin əskikliyi də xəyanətin başlıca səbəblərindən biridir. Cinsi aspektdən baş verən xəyanətlərə daha çox kişilərdə rast gəlirik. Çünki kişilər daim yeni həvəslərin axtarışında olurlar”.

Psixoloq bildirib ki, kişilərdə və qadınlar xəyanətə fərqli baxış bucağından baxırlar:

“Qadınlar üçün yoldaşının sosial mediada başqa qadınla danışması xəyanətdir. Xəyanət ailədə baş verən elə situasiyadır ki, bu zaman ailə tamamilə dağıla, yaxud yenidən möhkəmlənə bilər. Bu, tərəflər üçün olduqca çətin mərhələdir. Xəyanət edən tərəfdə sonradan yaranan “peşmanlıq hissi” də olduqca ağır vəziyyətdir”.

Ülkər Abdurahmanlı