Məşhur "Harri Potter"in ilk nəşrlərindən biri hərraca çıxarılacaq.
 

Sfera.az bildirir ki, 1997-ci ildə nəşr olunan "Harri Potter və Fəlsəfə Daşı" kitabı Şotlandiyanın dağlıq ərazidə bir kitab mağazasının boşaldılmış səbətində təsadüfən tapılıb.
 

Mütəxəssislərin qiymətləndirməsindən sonra “Hansons” tərəfindən hərraca çıxarılacaq. “Hansons” həmçinin, bu kitabın cəmi 200 nüsxədən biri olduğunu bildirib. Kitabın tövsiyə olunan pərakəndə satış qiyməti £10 olub. İndi onun dəyəri 40 min funt sterlinqdən 60 min funt-sterlinqə çata bilər.


Ekspertlər bu kitabı əsl və fantastik dərəcədə yaxşı qorunmuş nümunə kimi qiymətləndirib.
 

"İlk nəşrləri tapmaq getdikcə çətinləşir. Bu, 1997-ci ildə satın alınan və şəxsi əllərdə olan bir neçə “sağ qalmış” nüsxədən biridir" - deyə Harri Potter üzrə ekspert Cim Spenser bildirib.
 

Hərrac dekabrın 11-də baş tutacaq.
 

Qeyd edək ki, Edinburq yaxınlığında yaşayan bir şotland qadın kitabı 1990-cı illərin sonunda tətili zamanı tapıb.
 

Xatırladaq ki, “Harry Potter” kitabları bütün zamanların ən çox satılan kitabları arasındadır və dünyada 600 milyon nüsxədən çox satılmışdır. C.K.Roulinqin bu əsərləri əsasında filmlər çəkilib, televiziya serialının yaradılması da nəzərdə tutulub.

Aynil

Sfera.az