Corc Santos ABŞ Nümayəndələr Palatasından xaric edildi
ABŞ Nümayəndələr Palatası Nyu-Yorkdan respublikaçı nümayəndə Corc Santosu Palatadan uzaqlaşdırıb.
Sfera.az xəbər verir ki, 311 nəfər Santosun uzaqlaşdırılması ilə bağlı qərarı dəstəkləyib.
O, Palata tarixində həmkarları tərəfindən uzaqlaşdırılan altıncı, 2002-ci ildən bəri isə ilk nümayəndədir.
Santos səsvermədən öncə onu xaric etmək səylərinə qarşı mübarizə aparıb və Nümayəndələr Palatasında debat, habelə mətbuat konfransı və müsahibələr zamanı özünü müdafiə edib.
Onun vəzifə müddəti dediyi çoxsaylı yalanlar və saxtakarlıq iddiaları ilə yadda qalıb.
Santos Pensilvaniyadakı Amiş it yetişdiricilərini aldatmaqdan tutmuş, 11 sentyabr terror hücumlarında anasının öldüyünü iddia etməyə qədər bir sıra məsələlərdə ittiham olunur.
May ayında pul fırıldaqçılığı, çirkli pulların yuyulması və dövlət vəsaitlərinin oğurlanması da daxil olmaqla 23 ağır cinayətdə ittiham olunub. O isə ittihamları rədd edib.
Firuzə Əliyeva
