“Google” son həftələrdə 2 il ərzində aktiv olmayan istifadəçilərin hesablarını siləcəyini açıqlamışdı.

Sfera.az xəbər verir ki, şirkət dekabrın 1-dən etibarən qeyri-aktiv istifadəçilərin “Gmail”, “Drive” və “Photo” hesablarını silməyə başlayacaq.

Şirkət qeyd edib ki, hesaba daxil olmaqdan əlavə, e-poçt oxumaq, “Google” sənədi yaratmaq və ya hətta “You-Tube” videosuna baxmaq da fəaliyyət kimi təsnif edilə bilər.

Hesabınızı aktiv saxlamağın ən sadə yolu ən azı iki ildə bir dəfə daxil olmaqdır. Əgər “Google” hesabınıza daxil olmusunuzsa, hesabınız aktiv sayılır və silinməyəcək.

Firuzə Əliyeva