Culiya Roberts əkiz övladlarının nadir fotolarını PAYLAŞDI
56 yaşlı Hollivud aktrisası Culiya Roberts 19 yaşı tamam olan əkiz övladlarının nadir fotolarını paylaşıb.
Sfera.az bildirir ki, aktrisa arxiv fotolarını İnstaqram səhifəsində yayımlayıb.
Aktrisa əkizlərin ad günü münasibəti ilə qucağında qızı Hezel Patrisiya və oğlu Finneas Uolterlə fotosunu yayımlayıb.
Qeyd edək ki, Culiya Roberts sosial şəbəkələrdə nadir hallarda şəxsi həyatını göstərir, ona görə də bu cür paylaşım aktrisanın kifayət qədər cəsarətli hərəkəti sayılır.
Qeyd edək ki, aktrisa 20 ildən çoxdur kinematoqraf Daniel Moderlə evlidir.
Toydan iki il sonra cütlüyün əkiz övladları olub. Üç il sonra cütlüyün Henri Daniel Moderavid adlı başqa bir oğlu dünyaya gəlib.
Culiya ailəsi ilə Nyu-York və Tahoda yaşayır. Aktrisanın Kaliforniya ştatının Malibu şəhərində də malikanəsi var.
2022-ci ildə verdiyi müsahibədə Culiya Roberts xəyal etdiyi ailəyə sahib olduğunu etiraf edib. O, ideal ər və xəyal etdiyi ailəyə sahib olduğu üçün vaxtının çoxunu onlarla keçirməkdən xoşbəxtlik duyduğunu bildirib.
Aynil
Sfera.az
