LGBT ekstremist elan edildi - Hərəkatın nümayəndələrini həbs gözləyir

Rusiya Federasiyasının Ali Məhkəməsi LGBT hərəkatını ekstremist elan edib.

Sfera.az bildirir ki, LGBT fəaliyyəti ilə bağlı qəbul edilən qərara əsasən, bu gündən etibarən ölkədə bu istiqamətdə istənilən fəaliyyət ekstremist hesab olunacaq. Rusiya Federasiyası ərazisində “beynəlxalq LGBT ictimai hərəkatı” qadağan edilib, qərar dərc edildiyi andan qüvvəyə minir. Bundan sonra Rusiyada LGBT hərəkatının nümayəndələrini 12 il müddətinə həbs olunma cəzası gözləyir.


Rusiyalı hüquqşünas qeyd edib ki, bu qərar “beynəlxalq hərəkata” aiddir, guya ayrı-ayrı LGBT fərdlərinə təsir etməyəcək.
 

Bu arada BBC-nin rus ofisi, Rusiyada LGBT hərəkatına qarşı hücumun ötən ilin payızında başladığını bildirib. 2022-ci ilin noyabrında Dövlət Dumasının deputatları Rusiya Federasiyasında “gey təbliğatı”nı tamamilə qadağan ediblər (bundan əvvəl yetkinlik yaşına çatmayanlar arasında eyni fəaliyyət qadağan edilmişdi). 2023-cü ilin iyulunda isə ikinci qərar qəbu edilib.
 

Ədliyyə Nazirliyi məhkəmədən “beynəlxalq LGBT hərəkatını” qadağan etməyi xahiş edib. Eyni zamanda jurnalistlər qeyd ediblər ki, dünyada belə “beynəlxalq” təşkilat yoxdur.

Aynil
Sfera.az