İsraildə terrorçular mülki əhaliyə atəş açıb - Ölən və yaralananlar var

Səhər saatlarında İsraildə atışma baş verib. Açılan atəş nəticəsində iki nəfər həlak olub, yeddi nəfər yaralanıb.


Sfera.az bildirir ki, atışma Qüdsdən çıxan kəsişmədə baş verib. Maşınla gələn iki hücumçu avtobus dayanacağında dayanan mülki şəxslərə atəş açıb. Hər iki cinayətkar məhv edilib.
 

“İsraelHalomun” nəşrinin məlumatına görə, hücum edənlər avtomobili yol ayrıcında saxlayaraq, tüfəng və tapança ilə mülki şəxslərə atəş açmağa başlayıblar. Onlar yerindəcə məhv edilib.
 

Terrorçular 24 yaşlı qadını və 73 yaşlı kişini öldürüblər. Daha 7 yaralı xəstəxanaya yerləşdirilib.
 

“İsraelHayom” iki nəfərin həlak oıduğunu bildirsə də, “Globes” daha sonra atışma nəticəsində ölənlərin sayının 3 nəfərə çatdığını bildirib. Üçüncü ölənin də qadın olduğu bildirilir. Onun yaşı məlum deyil.
 

Hadisə şahidləri terrorçuların hadisə yerinə onlardan birinə məxsus “Ford” markalı avtomobillə gəldiyini yazıb. Sonradan həmin avtomobildə yüzlərlə güllə gilizləri tapılıb.
 

Terrorçuların iki ehtiyatda olan hərbçi və hadisə yerinin yaxınlığından keçən bir mülki şəxs tərəfindən məhv edildiyi bildirilir.
 

Atışma nəticəsində ölənlərin bir neçəsinin vəziyyəti ağırdır.
 

Qüdsə gedən magistral yol hazırda bağlıdır, hadisə yerində polis işləyir.
 

"Bu hadisə silah paylanmasının nə qədər vacib olduğunu sübut edir. Bütün tənqidlərə baxmayaraq, biz silahların paylanmasına davam edəcəyik"- deyə Knesset naziri İtamar Ben-Gvir bildirib.

Aynil

Sfera.az