Rusiyada qarın üstünə yazı yazan şəxs saxlanılıb.

Sfera.az xarici KİV-ə istinadən xəbər verir ki, Rusiya vətəndaşı Dmitri Fedorov Qorki parkındakı qarla örtülmüş turniketə barmağı ilə “Müharibəyə yox” yazdığı üçün   həbs edilib.

Məlumata görə, polis əməkdaşları parkın çıxışında onu gözləyiblər. Ona qarşı rus ordusunu gözdən salmaq və polisə tabe olmamaq ittihamı ilə protokol tərtib edilib.

Polisdən verilmiş açıqlamada Dmitri Fedorovun qanun keşikçilərinə tabe olmadığı bildirilir.

Üçüncü qrup əlil olduğunu bildirən D.Federov polis ilə könüllü olaraq bölməyə getdiyini iddia edib.

Məhkəmə Federov barəsində on sutkalıq həbs qərarı çıxarıb.

Aynil