“İsveçin ratifikasiyası mümkün qədər tez olmalıdır”.

Sfera.az bildirir ki, bunu NATO-nun baş katibi Yens Stoltenberq deyib. Onun sözlərinə görə, alyansın üzvləri bugünkü iclasda İsveçlə bağlı təklifi müzakirə ediblər.

“NATO müttəfiqlərinin mesajı çox aydın idi -  biz ratifikasiyanın mümkün qədər tez başa çatdırılmasını istəyirik”, deyə Stoltenberq bildirib.

O həmçinin, Türkiyə rəhbərliyinin keçən yay sammit zamanı ratifikasiya ilə bağlı sözünü də xatırladıb:

“Onlar bizə Türkiyə parlamenti ilə işləməyə söz vermişdilər. Bu proses nə qədər sürətli olsa, bir o qədər yaxşıdır. İsveçin tamhüquqlu üzv olması bütün NATO müttəfiqləri üçün yaxşı olacaq”.

Xatırladaq ki, İsveç və Finlandiya ötən ilin mayında Şimali Atlantika Alyansına qoşulmaq üçün müraciət edib. Finlandiya bu il aprelin 4-də NATO-nun 31-ci üzvü olub. Lakin Türkiyənin təsdiq etməməsi səbəbindən İsveçin müraciəti hələ müsbət nəticələnməyib.

Türkan