“Forsaj 9” filmi qeyri-real səhnələri ilə məşhurdur. Bu cür səhnələr böyük komandaların gərgin əməyi ilə ortaya çıxsa da, işlər heç də həmişə yaxşı getmir. Bu səbəbdən də filmin istehsal şirkəti çəkiliş meydançasında baş verən həyati təhlükəli qəzaya görə 1 milyon dollar təzminat ödəyəcək.

Sfera.az xəbər verir ki, belə qəzalardan biri 2019-cu ilin iyul ayında İngiltərədə lentə alınan səhnə zamanı baş verib. Eyvandan yıxıldığı səhnənin çəkilişi zamanı kaskadyor Co Uotts kəndirin açılması səbəbindən 8 metr hündürlükdən beton döşəməyə yıxılıb və kəllə sümüyü zədələnib.

Hadisə yerindən ilk sınaq çəkilişinin problemsiz keçdiyi bildirilsə də, məhkəmədə çıxarılan qərara əsasən, ikinci cəhddən əvvəl kəndir yenidən yoxlanılmalı idi.

İstehsalat qrupu özünümüdafiə məqsədilə “prosedurda alətləri  hər atışdan əvvəl yenidən yoxlamalı olduğumuz barədə məlumat yoxdur”, desə də, onların bu izahı qəbul edilməyib.

Hakim həmçinin bildirib ki, Vatts sağ qaldığı üçün çox şanslıdır.

Xatırladaq ki, 9-cu film 726.229.501 dollar gəlir gətirib, kaskadyora ödəniləcək təzminat isə bu məbləğin təxminən 0,14%-ni təşkil edir.

Firuzə Əliyeva