“Paşinyan gəlsə, əla fürsət olar” - Peskov

Kreml Paşinyan-Putin görüşü ilə bağlı yayılan xəbərlərə reaksiya verib.

Sfera.az bildirir ki, bu barədə danışan Rusiya Prezidentinin mətbuat katibi Dmitri Peskov qeyd edib ki, Vladimir Putinlə Ermənistanın baş naziri Nikol Paşinyan arasında təmaslar nəzərdə tutulmayıb.

“Lakin belə bir görüş Sankt-Peterburqda Avrasiya İqtisadi İttifaqının sammiti çərçivəsində baş tuta bilər. Əgər cənab Paşinyan ora gəlsə, danışmaq üçün əla fürsət yaranacaq”, - Kremlin sözçüsü bildirib.

Qeyd edək ki, bundan əvvəl Rusiya prezidentinin köməkçisi Yuri Uşakov “Alpha News”a açıqlamasında Ermənistanın Baş naziri Nikol Paşinyanın dekabrda Sankt-Peterburqa gələcəyini demişdi. Ötən gün isə Ermənistan parlamentinin sədri Alen Simonyan bildirmişdi ki, respublika Avrasiya İqtisadi İttifaqına sədrliyi öz üzərinə götürdüyü üçün Ermənistan Sankt-Peterburqda keçiriləcək sammitdə iştirak etməlidir.

Günay