“Son 5 ildə ezamiyyə xərcləri artırılmayıb”.

Sfera.az bildirir ki, bunu iqtisadçı deputat Vüqar Bayramov deyib. Onun sözlərinə görə, Azərbaycan regionda ən aşağı ezamiyyə tarifləri tətbiq edən ölkələrdəndir:

“Nazirlər Kabinetinin qərarına əsasən, 1 günlük norma Bakı şəhərində 90 manat, Gəncə, Sumqayıt və Naxçıvanda 70 manat, digər şəhər və rayonlarda isə 65 manat təyin olunub.  Ötən illərdə illik inflyasiya səviyyəsini nəzərə alsaq, bu xərclərin necə dəyişdiyini təsəvvür etmək çətin olmaz. Bir günlük hotel və qida xərclərini Bakıda 90 manata, rayonlarda 65 manata qarşılamaq qeyri-mümkündür. Oxşar mənzərə Gəncə, Sumqayıt və Naxçıvana da aiddir”.

Millət vəkili bildirib ki, xarici ezamiyyələr üçün müəyyənləşdirilmiş tariflər də aşağıdır:

“Bu tariflər, praktik olaraq, xərclərin tam ödənilməsinə imkan vermir. Xarici səfərlər zamanı müəyyənləşdirilən tariflər də uzun müddətdir, dəyişdirilmir. Hazırkı tariflər real xərclərdən uzaqdır. Fikrimcə, ezamiyyə ilə bağlı qaydaların yenilənməsinə və əlavələr edilməsinə ehtiyac var. Həm ölkədaxili, həm də xarici səfərlər üçün ezamiyyə xərcləri artırılmalı və yeni tariflər müəyyənləşdirilməlidir”.

Günay