“Hər il dünyada təxminən 5 milyon insan insult səbəbindən dünyasını dəyişir. Bir o qədəri də ömürlük şikəst qalır”.

Bu barədə Sfera.az-a Bakı Baş Səhiyyə Mərkəzindən məlumat verilib. Qeyd olunub ki,  Ümumdünya Səhiyyə Təşkilatının açıqladığı statistikaya görə, dünyada təxminən 15 milyona yaxın insan insultdan əziyyət çəkir:

“İnsultu yaradan səbəblər var. Bunlar sırasında tütün və alkoqol məhsullarının istifadəsi, yüksək arterial təzyiq, diabet, yüksək xolesterin, fiziki aktivliyin aşağı olması, normadan artıq bədən çəkisi, yağ, şəkər və duzlardan həddən çox istifadə kimi hallar və s. yer alır.  İnsultun səbəb olduğu fəsadlar da kifayət qədərdir. Məsələn, bədənin bir tərəfində, üz, qol və ya ayaqda güc itkisi, huşun bulanıqlığı və ya itirilməsi, düzgün cümlələr qura bilməmək, pəltək formada danışıq, əzələlərdə güc itkisi ilə əlaqədar olaraq udma zəifliyi, müvazinətdə pozuntunun olması, ani görmə itkisi, şiddətli baş ağrıları və s”.

Bildirilib ki, insult həm də yüksək ölüm riski daşıyır: “İnsult zamanı ilkin müdaxilə üçün ilk 4-5 saat həyati önəm daşıyır. Əks halda, müdaxilə mümkünsüz hala çevrilə bilər”.

Günay