Beyons imicini kökündən dəyişdi - FOTOLAR
Beyons imicini dəyişib.
Sfera.az bildirir ki, 42 yaşlı amerikalı müğənni “Renessans” (İntibah) filminin premyera öncəsi yeni görünüşü ilə diqqət çəkib.
Müğənninin yeni imicdəki fotosunu italyan modelyer Donatella Versace İnstaqram səhifəsində paylaşıb.
Beyons karamel rəngli saçlarını açıq sarıya boyatdırıb.
O, seçdiyi geyimlə də hər kəsi valeh edib. Müğənni “Versace” kolleksiyasından V formalı dekolteli, uzun gümüşü paltar geyinib. Müğənni libasını uzun lateks əlcəklər və eyni rəngli ayaqqabı tamamlayıb.
Beyons görünüşündə ifrata varmayıb, bəzək əşyalarından yalnız gümüşü uzun sırğalarla kifayətlənib. Ulduz boğazına heç bir zinət əşyası taxmayıb. Makiyajda da sadəliyə üstünlük verən Beyons açıq çəhrayı dodaq boyası, gümüşü göz kölgəsi və sürmə ilə kifayətlənib.
Qeyd edək ki, Beyonsun “Renessans” (İntibah) sənədli filmi müğənninin möhtəşəm dünya turnesi əsasında lentə alınıb. Əsasən konsert filmidir. Məqsədi müğənninin karyerasına, pərəstişkarlarına və yaradıcılığına bağlılığını, eləcə də zəhmətini və hər şeyi mükəmməl etmək istəyini göstərməkdir.
Müğənninin dünya turnesi böyük səs-küyə səbəb olub. Konsertlərdə ulduzun 3 milyona yaxın pərəstişkarı iştirak edib. Təxminən üç saat davam edən sənədli filmin dekabrın 1-dən etibarən bir çox ölkələrdə (kinoteatrlarda) nümayişi planlaşdırılır.
Aynil Camal
