Britaniyada fermer ailəsi qeyri-adi bir iş yeri açıb. Ailə ziyarətçilərə inəklərlə üç saatlıq müalicəvi qucaqlaşma təklif edir.

Sfera.az xəbər verir ki, britaniyalı ailə bu qeyri-adi üsulun stresin öhdəsindən gəldiyini bildirir. İnəklərlə üç saatlıq qucaqlaşmaq terapiyasının qiyməti 50 funt sterlinqdir.

Sessiyaya fermaya ekskursiya, həmçinin gəzinti və inəkləri fırçalamaq da daxildir.

Qeyd edək ki, inək qucaqlamaq ABŞ və Böyük Britaniyada məşhur sağlamlıq anlayışlarından biridir. Son onillikdə bu cür terapiyaya tələbat durmadan artır. Şərqi Yorkşirdə 1970-ci illərdən bəri fəaliyyət göstərən bu ailə ferması uzun illərdir davam edən daşqınlara görə artıq inək sürüsünü saxlaya bilmir. Buna görə də sahibləri bu cür həll yolu tapıblar. İnəklərə yad adamların yanında sakit davranmağı öyrətmək üçün təlim beş ay çəkib. İndi ferma heyvanlarla qucaqlaşmaq istəyən hər kəsi qarşılayır.

Seansın qiyməti müddət və prosesdən asılıdır. Seansda ziyarətçilər inəklərlə vaxt keçirir, onları fırçalayır, gəzdirir və ya sadəcə yanında uzanıb inəkləri qucaqlayır.

Fermerlər deyirlər ki, bəzən stresli günün sonunda özləri də inəklərlə oturmağa gəlirlər. Xüsusilə autizmli ziyarətçilər inəklərlə seansların həqiqətən sakitləşdirici olduğunu bildirirlər. İnəklər də yeni öhdəliklərinə tez öyrəşiblər. Ferma sahibi inəklərin diqqətdən zövq aldığını bildirib.

Orxan