Daxili İşlər Nazirliyinin Mətbuat xidmətinin rəisi Elşad Hacıyev vətəndaşlara müraciət ünvanlayıb.

Sfera.az bildirir ki, o, bank kartları ilə bağlı bilgiləri başqa şəxslərə göndərməməyi tövsiyə edib.

“Kimsə sizə “bank kartınızı göndərin yardım edəcəm”, desə göndərməyin. Yaxud, kimsə sizə satdığınız əşya, daşınmaz əmlakla bağlı “bank kartınızı göndərin, beh verim”, desə etməyin. “Kampaniya var, ucuz məhsullar ünvana pulsuz çatdırılır, onlayn ödəniş edin”, deyənlərə aldanmayıb. “Onlayn iş füsrəti var, pul köçürmələrindən qazana bilərsiniz”, deyənlərə qoşulmayın. Hamısı yalandır!”.

Tanınmış texnobloqer Fərid Pərdəşünas isə hazırda bu istiqamətdə vəziyyətin acınacaqlı olduğunu vurğulayıb.

“Bizim çağırış etməkdən, səslənməkdən, hətta yalvarmaqdan başqa çarəmiz yoxdur. Çünki burada hər hansısa texniki hücumlardan söhbət getmir. İnsanlar öz əlləri ilə pullarını ötürürlər. İnsanlar öz istəkləri ilə piramida sistemlərinə yatırım edirlər. Bunların qarşısınə almağın texniki yolu ölkədə onlayn tranzaksiyaları bloklamakdır. Bu da iqtisadiyyatı çökdürmək deməkdir. Bu səbəbdən yeganə yol maarifləndirmədir”.

Günay