Finlandiya Rusiya ilə dörd əsas sərhəd qapısını fevralın 18-dək bağlayacaq.

Sfera.az xəbər verir ki, bu barədə “Haberglobal” məlumat yayıb.

Məlumatda qeyd olunub ki, qərarın verilməsində əsas səbəb son günlər immiqrantların ölkəyə axın etməsidir.

Normalda Rusiya-Finlandiya sərhədinə hər ay cəmi on qaçqın gəlib. Lakin son günlər Yaxın Şərq və Afrikadan 280 sənədsiz immiqrant sərhəddən keçib.

İki ölkə arasındakı dörd sərhəd keçid məntəqəsi, Vaalimaa, Nuijamaa, İmatra və Niirala fevralın 18-dək bağlı qalacaq.

Bu o deməkdir ki, Finlandiyada yaşayan ikili vətəndaşlar və ruslar bayram günlərində bir ölkədən digərinə gedə bilməyəcəklər.

Ülkər Abdurahmanlı