Çeçenistan rəhbəri Ramzan Kadırovun ailəsi müharibəyə hazırlaşır.

Sfera.az bildirir ki, bu barədə onun özü məlumat verib. Belə ki, Kadırov oğulları Axmat və Adamın da iştirak etdiyi təlimlərlə bağlı video paylaşıb.  O,  “ukraynalı terrorçuların” məhv edilməli olduğunu vurğulayıb.

“Biz müharibəyə hazırlaşırıq. Bu, sadəcə bir başlanğıcdır. Ən maraqlı şeylər qabaqdadır”, - deyə Kadırov deyib.

O, fikirlərini bu cür davam etdirib:  “Bütün təfərrüatlara varmadan deyəcəm ki, Axmat və Adam hədəflərə atışda əla nəticə göstərdilər. Onlar atıcılıqda kifayət qədər yüksək nəticələr nümayiş etdiriblər. Amma istənilən halda, biz öz hərbi hazırlığımız üzərində işləməyə davam etməliyik”.

Qeyd edək ki, bundan əvvəl Ramzan Kadırov Ukraynadakı savaşın sanksiyalar tamamilə aradan qaldırılana qədər davam etməli olduğunu söyləmişdi.

Günay