“Qızıl qələm” mükafatının verilməsi dayandırıldı – Rəşad Məcid AÇIQLADI

“Qızıl qələm” mükafatının verilməsi dayandırılıb.

Sfera.az bildirir ki, bunu Mətbuat Şurasının sədri Rəşad Məcid deyib. Onun sözlərinə görə, sözügedən mükafat son zamanlar jurnalistikadan uzaq şəxslərə təqdim edilirdi:

“Vaxtilə cəmiyyətdə müəyyən nüfuz qazanmış, dəyərli qələm adamlarına verilmiş, Kütləvi İnformasiya Vasitələri İşçiləri Həmkarlar İttifaqı adlanan qurumun təsis etdiyi "Qızıl qələm" mükafatı son illər jurnalistikadan uzaq insanlara təqdim olunmaqla öz etibarını itirib. Bu, cəmiyyətdə haqlı narazılığa səbəb olub. Mətbuat Şurasının tapşırığı ilə quruma faktiki rəhbərlik edən Çingiz Qurbanoğlu Şuraya dəvət olunub, icraçı katibin müavini İlqar Tağıyev Mətbuat Şurasının mövqeyini, irad və tövsiyələrini onun diqqətinə çatdırıb”.

R.Məcidin sözlərinə görə, nəticədə Çingiz Qurbanoğlu Azərbaycan Mətbuat Şurasına müraciət ünvanlayıb:

“O, məktubunda “Qızıl qələm” mükafatının təqdimatının dayandırıldığını yazıb. Mətbuat Şurası da müraciəti anlayışla qarşılayaraq problemin həllini tapdığını bildirir. Digər ictimai qurumlara da müraciət edərək media adı ilə mükafatlar verilməsində ehtiyatlı davranmağa, Azərbaycan jurnalistikasının nüfuzuna xələl gətirən addımlardan çəkinməyə çağırırıq”.

Türkan