Alimlər beyni bədəndən asılı olmadan canlı saxlamağa nail olublar

Alimlər beyni canlı saxlaya bilən və bədənin qalan hissəsindən asılı olmayaraq işləməsini təmin edən cihaz hazırlayıblar.

Sfera.az xəbər verir ki, ABŞ-nin Cənub-Qərb Tibb Mərkəzinin tədqiqatçıları anesteziya edilmiş donuzun beyninə qan axınını təcrid edərək kompüterləşdirilmiş alqoritmlə lazım olan qan təzyiqini, həcmini, temperaturu və qida maddələrini saxlayıblar.

Nevroloqlar qrupu bədənin qalan hissəsindən heç bir bioloji giriş almamasına baxmayaraq, beyin fəaliyyətinin beş saat ərzində minimal dəyişikliklər göstərdiyini bildirib.

Alimlərin fikrincə, təcrübənin uğuru insan beynini digər bədən funksiyalarına təsir etmədən tədqiq etmək üçün yeni yollar aça bilər, eyni zamanda, texnologiya gələcəkdə beyin transplantasiyasının həyata keçirilməsi potensialını da ortaya qoyur.

 Firuzə Əliyeva