ABŞ-dən Azərbaycana qarşı QƏRƏZLİ ADDIM: “Bu, regionda ciddi problem yaradacaq”

ABŞ Konfransının Xarici Əlaqələr komitəsində “Dağlıq Qarabağ”ın gələcəyi ilə bağlı dinləmələr keçirilib. Dövlət katibinin köməkçisi Ceyms Obrayn və ABŞ Beynəlxalq İnkişaf Agentliyinin  Avrasiya və Avropa Bürosu rəhbərinin müavini Aleksandr Sokolovski çıxışlarında ölkəmizi ittiham ediblər. 

Bununla bağlı Sfera.az-a açıqlama verən politoloq Məhəmməd Əsədullazadə deyib ki, sözügedən dinləmələr erməni lobbisinin təsiri ilə keçirilir və bu, ABŞ-Azərbaycan əlaqələrində ciddi problem yarada bilər:

“Vaşinqton Ermənistan vasitəsilə Rusiyanı regiondan çıxarmaq istəyir, lakin onun bu addımları öz geostrateji mövqeyinə zərbə vurur. Azərbaycan ABŞ və Fransanın həyata keçirdiyi siyasətə qarşı addımlar atmalıdır. Vaşinqtonla diplomatik təmasları artırmalı və ölkəmizə yönələn siyasi təzyiqləri neytrallaşdırmalıdır. Ermənistan beynəlxalq müstəvidə əlverişli gündəm yaradıb Azərbaycana qarşı hərbi hücumlar reallaşdıra bilər”.

Müsahibimiz bildirib ki, ABŞ İranla Azərbaycan arasındakı Zəngəzur dəhlizi ilə bağlı memarandumu da hədəf alıb:

“ABŞ Azərbaycanı İran və Rusiya ilə birgə hərəkət etdiyi üçün qınayır. Halbuki, son illərə kimi Ermənistan, Rusiya və İranla birgə Azərbaycana qarşı siyasət aparıb. Vaşinqton Ermənistan vasitəsilə regionda gərginlik yaratmağı planlaşdırır. Lakin nəticədə Ermənistan növbəti məğlubiyyətlə üzləşəcək”.

Günay