18 yaşlı azərbaycanlı bloqer Tural Məmmədov Rusiyaya ekstradisiya edilib.

Sfera.az xəbər verir ki, bu barədə Rusiya Baş Prokurorluğu məlumat yayıb.

Bildirilir ki, Azərbaycan hüquq-mühafizə orqanları Rusiya Baş Prokurorluğunun tələbi ilə “Jizn brodyaqi” teleqram kanalının rəhbərini Rusiyaya təhvil verib.

Məlumata görə, Tural Məmmədov dostları ilə birlikdə Sankt-Peterburqun müxtəlif ərazilərində yoldan keçənləri dəfələrlə açıq şəkildə döyüb, baş verənləri videoya çəkib, görüntüləri isə “Telegram”da yerləşdirib.

Tural Məmmədov noyabrın 2-də Rusiyanın tələbi ilə Azərbaycanda saxlanılıb. Oktyabrın 28-də o, Rusiya tərəfindənbeynəlxalq axtarışa verilib və qiyabi həbs edilib. Tural Məmmədovdan başqa, xuliqanlıq, nifrət və düşmənçiliyin salınması faktı üzrə daha 11 nəfər, Azərbaycan, Tacikistan və Dağıstan vətəndaşları saxlanılıb.