Şahzadə Diananın ikonik gödəkçəsi yenidən satışa çıxarıldı - FOTOLAR

Mitchell & Ness” idman və geyim markası Şahzadə Diana tərəfindən geyilən və populyarlaşan “Philadelphia Eagles” universitet gödəkçəsinin bir nüsxəsini buraxacaq.

Sfera.az bildirir ki, yenidən satışa çıxarılacaq “Philadelphia Eagles” universitet gödəkçəsi bir neçə il şahzadə tərəfindən geyilib və geyim ikonik status qazanıb.

Şahzadənin 80-90-cı illərdə geyindiyi və “People” jurnalının üz qabığında görünən gödəkçə yenidən yaradılır. Şahzadə Diananın Eagles gödəkçəsi birdən-birə dünyada ən tanınan NFL gödəkçələrindən birinə çevrilib.

Gödəkçə bu gündən etibarən “Mitchell & Ness” flaqman mağazasında və seçilmiş pərakəndə satış mağazalarında 400 dollara satışa buraxılıb.

Qeyd edək ki, bundan əvvəl Şahzadə Diananın daha bir simvolu olan paltarı, ağlar arasında qara qoyun olan sviter “Sotheby's” auksionunda 1,1 milyon dollara satılmışdı.

Aynil Camal