Evinin altında 2000 illik yeraltı şəhər tapdı - FOTO

Türkiyə Kayseridə 57 yaşlı Mustafa Halıcıoğlu evinin altında 200 metrlik, 2000 illik yeraltı şəhər tapıb. Şəhər tunellərlə birləşdirilmiş bir neçə səviyyəyə malikdir.
 

Sfera.az bildirir ki, vaxtilə bölgədə bir neçə yeraltı şəhər olub. Sonradan sakinlər onları tərk edərək yerin səthində məskunlaşmağa başlayıblar.


Arxeoloji tapıntının yerləşdiyi torpağın sahibi deyir ki, ev ona atasının ölümündən sonra miras qalıb. Ailə üzvləri mirası öz aralarında bölüşdürüblər və o, atasının mülkünün sahibi olub. O, zibilləri təmizləyərkən tunel və qədim tikililərin elementlərini tapıb. Sonra o, bütün mülkü təmizləməyə başlayıb və yerin altında bütöv bir qədim şəhər tapıb.

Mustafa Halıcıoğlu gələcək nəsillər üçün yeraltı şəhəri bərpa etməyi xəyal edir.

"Evin altında yeraltı şəhər olduğunu bilmirdik. Yeganə məqsədimiz gələcək nəsillərə haqqımızda miras qoymaqdır. Bu proses bizi həm maddi, həm də mənəvi cəhətdən yorub, ümid edirəm ki, dövlətimiz bu məsələdə bizə dəstək olacaq. Biz burada öz paytaxtımızda işləyirik. İstəyirik ki, bura gələn turistlər xarabalıqlar əvəzinə nəsə görsünlər”-deyə Mustafa Halıcıoğlu bildirib.

Aysel

Sfera.az