Britni Spirsin kitabı ilk həftədə bir milyondan çox oxucu topladı

Britni Spirsin "İçimdəki qadın" ("The Woman In Me") kitabı satışa çıxdığı ilk həftədə bir milyondan çox oxucu toplayıb.

Müğənninin sözlərinə görə, xatirələri üzərində işləmək üçün ruhunu və ürəyini qoyub.

Sfera.az bildirir ki, oktyabrın 24-də işıq üzü görən kitab satışın ilk həftəsində 1,1 milyon nüsxə satılıb.

"Mən xatirələrimə ürəyimi və ruhumu tökdüm. Böyük dəstəyə görə bütün dünyadakı pərəstişkarlarıma və oxucularıma minnətdaram"-deyə Britni Spirs bildirib.

“Gallery Books”un məlumatına əsasən, Spirs tərəfindən təqdim olunan və aktrisa Mişel Uilyamsın rəvayət etdiyi audiokitab nəşriyyat tarixində ən populyar audio məhsula çevrilib.

Güclü tələbə əsaslanaraq, “Simon & Schuster” kitabın dördüncü çapını hazırlayır ki, bu da çap olunmuş cildli nüsxələrin ümumi sayını 1,4 milyondan çoxa çatdıracaq.


Bundan əlavə, Spirsin xatirələri New York Times, USA Today və Indie Booksellers bestsellerlərinə çevrilib. Kitabın uğuru beynəlxalq miqyasda da yayılaraq Böyük Britaniya, Avstraliya, Kanada və Hindistanda nəşr olunub. Kitab dünyanın 26 dilinə tərcümə olunub. Britni Spirsin xatirələri dünya üzrə 2,4 milyon nüsxə satılaraq 1 nömrəli bestseller olub.

Aynil

Sfera.az