Yeni ailə quran bacısının evinə qonaq getdi, qızıllarını oğurladı

Yeni ailə quran bacısının evinə qonaq getdi, qızıllarını oğurladı

Naxçıvanda bacısının qızıllarını oğurlayan qadının məhkəmə prosesi başa çatıb.

 

Sfera.az-ın məlumatına görə, Culfa Rayon Məhkəməsində keçirilən prosesdə Nigar Qurbanova (ad-soyad şərtidir) bir il azadlıqdan məhrum edilib. Onun cəzası şərti hesab edilib və altı ay sınaq müddəti təyin olunub.

 

Məhkəmədə təqsirləndirilən şəxs ifadəsində bildirib ki, bacısı Gülnaz (ad şərtidir) yeni ailə həyatı qurduğundan və Yeni il bayramı qeyd etdiyindən yaxın qohumları ilə birgə onlara qonaq gediblər.

 

Yemək yedikdən sonra bacısı Gülnaz öz otağına keçərək paltar ütülüməyə başlayıb. Bacısı paltarı ütülədikdən sonra ütünü Nigara verərək əşyanı termonun içərisinə qoymasını xahiş edib. Nigar bacısının otağındakı termonu açanda orada qızıl qutusunu görüb. 

 

Qutunu açan qadın qızılları görüb və bir cüt sırğa, bir ədəd qolbaq, bir ədəd boyunbağı və bir ədəd üzüyü cibinə qoyaraq otaqdan çıxıb, ardınca isə evə gedib.

 

Bir müddət sonra Gülnaz bacısına zəng vuraraq, qızıllarını tapa bilmədiyini, ondan qızılları götürüb-götürmədiyini soruşub. Nigar isə ona qızıllardan xəbəri olmadığını bildirib.

 

Nigar Qurbanova bundan sonra polisə dəvət edilib, orada artıq işin üstünün açılacağını anlayıb və bacısına məxsus olan qızılları götürdüyünü etiraf edib.

 

Qeyd edək ki, təqsirləndirilən Nigar Qurbanova səkkiz aylıq hamilədir. (Qafqazinfo)


OXŞAR XƏBƏRLƏR

Meyxanaçı Ağamirzənin qızı ABŞ-də yaşayırmış

"Əsas nigarançılıq oğlan övladlarından olur. Qız belədir ki, ona nəyisə izah edəndə başa düşür. Lakin oğlan başqa adamlara qoşula bilir".   ...

İrəvanda qasırğa: 2 təyyarə eniş edə bilmir

Ermənistanın paytaxtı İrəvan şəhərində iki təyyarə güclü küləyə görə yerə enə bilmir.   Sfera.az xəbər verir ki, bu barədə “Sputnik Armeni...

Şəhid polkovnik-leytenantın 13 yaşlı qızı vəfat etdi

Vətən müharibəsi şəhidi polkovnik-leytenant Zaur Cəfərovun 13 yaşlı qızı Səlbi Cəfərli bu gün vəfat edib.   Sfera.az xəbər verir ki, yeniyetmə k...

Paytaxt yolları gecə saatlarında keçilməz oldu -SİYAHI

Üç günlük qeyri-iş gününün sonuncu günündə, xüsusilə də Bakı-Sumqayıt şosesi və paytaxta cənub istiqamətdən girişdə yollarda nəqliyyat sıxlığı müşahidə olunur. ...

"Onkoloji xəstə üçün 811-ci növbə nə deməkdir?"

"Bir nəfər yazıb ki, icbari tibbi sığorta ilə MRT (Maqnit Rezonans Tomoqrafiyası) müayinəsindən keçməyə çalışdım. Növbəm 811-ci idi. Özü də ağır xəstəlikdə...

Valideynlərin günahının qurbanı olan UŞAQLAR...

Dünyaya gələn hər uşaq, hər körpə ölkənin qanuni vətəndaşı, tamhüquqlu fərdidir. Bu, normal ailələrdə doğulan, yaxud vətəndaşların qanunsuz, nikaha girmədən dün...