Azərbaycan Basketbol Liqası: \"Xəzri\" ikinci qələbəsini qazanıb - FOTO
Azərbaycan Basketbol Liqasında bu gün 2-ci tura start verilib.
Sfera.az xəbər verir ki, açılış matçında debütant "Xəzri" "Gəncə" komandasını qəbul edib.
Oyuna fəal başlayan paytaxt təmsilçisi ilk periodu 25-18 hesabı ilə öz xeyrinə başa vurub. İkinci periodda da ustünlük "Xəzri"nin tərəfində olub.
Ardıcıl və dəqiq 3 xallıq atışlarla rəqibin müdafiə xəttini yaran "Xəzri" basketbolçuları boyük fasiləyə də öndə yollanıblar 52-39. 3-cü hissəni də debütant yüksək səviyyədə keçirib.
Nəticədə bu periodların da hesabları "Xəzri"nin xeyrinə olub (93:76). Qarşılaşmanı hesabı ilə xeyrinə başa vuran "Xəzri" liqanın 2-ci türünü da qələbə ilə başa vurub.
Qeyd edək ki, komanda birinci turda çempionatın güclü kollektivlərindən olan "Neftçi"ni məğlub etmişdi.
