“Makron Azərbaycana möhtac olacaq, çünki...” – Ekspertdən AÇIQLAMA

“Fransa Prezidenti Emmanuel Makronun yaxın zamanda Azərbaycana işi düşəcək”.

Sfera.az bildirir ki, bunu politoloq Elxan Şahinoğlu deyib.

Onun sözlərinə görə, səbəb isə sözügedən ölkənin elektrikə olan tələbatı ilə bağlıdır:

“Bu ölkə elektrik tələbatının 80 faizini atom elektrik stansiyalarından əldə edir. Atom elektrik stansiyalarının çalışması üçün daima urana ehtiyac var. Fransa uranı Afrika ölkələrindən, əsasən də Nigerdən əldə edirdi. Ancaq Nigerdə çevrilişdən sonra hakimiyyətə gələn qüvvələr Fransaya uran satmaqdan imtina ediblər. Makron məhz buna görə noyabrın 1-də Qazaxıstana səfərə gedəcək. Qazaxıstan kifayət qədər uran ehiyatlarına malikdir. Astananın Fransaya uran satmağa hazır olması işin yarısıdır. Uran təhlükəsizlik səbəblərindən hava yolu ilə daşınmır, quru və dəniz yolundan istifadəyə üstünlük verilir.  

Qazaxıstan uranının Fransaya quru yolla daşınması üçün iki – Rusiya və Azərbaycan marşrutu var. Ukrayna müharibəsiylə bağlı Fransanın Rusiya ilə münasibətləri gərgindir. Digər tərəfdən, Makron hakimiyyətə gəldiyi gündən bu yana Azərbaycan əleyhinə siyasət yürüdüb. Bu səbəbdən Qazaxıstan uranının Azərbaycan üzərindən Fransaya daşınması da mümkün görünmür”.

Ekspert bildirib ki, Makron Azərbaycan əleyhinə siyasətdən imtina edərsə və ölkəmizlə keçmişdə olan normal əlaqələrin bərpasına qərar verərsə, Qazaxıstan uranının Azərbaycan üzərindən daşınması ehtimalı arta bilər:

“Bunun üçün Makron Cənubi Qafqaz siyasətini köklü sürətdə korrektə etməlidir”.

Günay