Yaponiyada 3 yaşlı uşaqları işə götürürlər – Maaşları isə...
Yaponiyada təxminən 70 körpədən ibarət komanda qocalar evində “işə götürülüb”.
Sfera.az bildirir ki, bu barədə “Nbc news” məlumat yayıb. Qeyd olunub ki, Yaponiyanın koronavirusa qarşı mübarizəsilə əlaqədar olaraq tənhalar artıb. Buna görə də 2021-ci ildə Yaponiya hökuməti ilk “tənhalıq naziri” təyin edib.
Kitakyushu şəhərindəki “İchoan” qocalar evinin 100-ə yaxın sakinindən biri olan 93 yaşlı Tatsuo Ojiro isə sözügedən addımla bağlı danışarkən, “Uşaqları görmək mənə güc verir”, deyə söyləyib. Qocalar evinin direktoru Kimie Qondo hələ üç il əvvəl körpə işçilərlə bağlı ideyasının formalaşdığını deyib. O, qeyd edib ki, həmin zaman yeni doğulmuş nəvəsini qocalar evinə gətirib və yaşlı sakinlərin sevincinin şahidi olub. Məhz bundan sonra bu cür layihə üzərində düşünmək qərarına gəlib.
"Yaşlı insanların gülümsədiyini görəndə körpələrin hansı gücə sahib olduğunu anladım", deyə Qondo əlavə edib.
Məlumata görə, uşaqlardan ibarət komanda anaları ilə birlikdə buraya gəlir və qocalarla vaxt keçirirlər. Onlara maaş əvəzi olaraq uşaq bezi və dondurma verilir. Qondo işə qəbul tələblərindən də söz açıb: “Uşaqlar 3 yaşdan kiçik olmalıdırlar və nə qədər az danışsalar, bir o qədər yaxşıdır”.
Günay
