“Rusiya əmrə tabe olmayan əsgərlərini öldürür”.

Sfera.az bildirir ki, bu iddia ilə Ağ Evin Milli Təhlükəsizlik müşaviri Con Kirbi çıxış edib. O, mətbuat brifinqində Ukrayna savaşından söz açıb.

“Rusiya ordusunun əmrə tabe olmayan əsgərləri öldürdüyü barədə məlumatımız var. Eyni zamanda, rus komandirləri Ukraynanın artilleriya atəşi qarşısında geri çəkilməyə çalışan bütün qoşunları da öldürməklə hədələyib. Bütün birlikləri ölümlə hədələmək barbarlıqdır”, deyə Kibri bildirib.

O, Rusiya ordusunun Avdiivka, Lyman və Kupyansk bölgələrində başlatdığı yeni hücumda ən az 125 zirehli texnika və xeyli əsgər itirdiyini söyləyib:

“Rusiyanın Ukraynadakı qoşunlarının təchizatları kifayət qədər deyil və onlar müharibəyə hazırlıqsızdırlar. Bu da əsgərlər arasında mənəvi-psixoloji vəziyyətin aşağı düşməsinə və əmrə tabe olmamalarına səbəb olub”.

Günay