“Muğan Bank”da olan əmək haqqı və plastik kartlardakı pulların taleyi ilə bağlı narahatlıqlar var.

Sfera.az bildirir ki, bununla bağlı fikirlərini bölüşən iqtisadçı deputat Vüqar Bayramovun sözlərinə görə, həmin vəsaitlər Əmanətlərin Sığortalanması Fondu tərəfindən kompensasiya edilməlidir:

“Qanunvericiliyə əsasən, həmin kartlarda olan pullar dövlət tərəfindən vətəndaşlara ödənilməlidir. Fiziki şəxslərin cari hesablarındakı vəsaitlər də qorunan pullardır. Bu zaman da faizli əmanətlərdə olduğu kimi 100 min manat maksimum kompensasiya ediləcək məbləğdir”.

Millət vəkili bildirib ki, fiziki şəxslərin kartlarında olan vəsaitlər ləğvedici təyin edildikdən sonra qorunan əmanət kimi vətəndaşlara ödənilir:

“Bunun üçün ləğvedici tərəfindən agent bank seçilir və həmin vəsaitlərin qaytarılması müəyyən edilmiş qaydada həyata keçirilir. Kompensasiyaların ödənilməsi prosesinə növbəti ayın sonlarında start veriləcəyi gözlənilir”.

Günay