“Ermənistan Baş naziri Nikol Paşinyanın sülh açıqlamaları mənasızdır”.

Bunu Sfera.az-a açıqlamasında politoloq Məhəmməd Əsədullazadə deyib. Onun sözlərinə görə, Avropa parlamenti və Avropa Şurasının  Azərbaycana qarşı əsassız qətnamələrinin qəbulu, Avropa İttifaqı rəsmilərinin suverenliyimizə qarşı açıqlamaları, Qarabağdan köçən ermənilərin geri qaytarılması kimi məsələlərin danışıqlar masasına çıxarılması Ermənistanla gözlənilən görüşün üstündən xətt çəkib:

“Paşinyan Tiflisdə keçirilən “İpək yolu” forumunda regionun xəritəsini nümayiş etdirir, kommunikasiyaların açılmasını qeyd edir, sülhdən danışır, amma danışıqlarda əsassız iddialar irəli sürür. Azərbaycanın Qranada və Brüssel görüşünə qatılmaması artıq Avropa İttifaqının vasitəçiliyindən imtina deməkdir. Ermənistanı sülh prosesindən yayındıran Avropa İttifaqıdır. Avropa İttifaqının mövqeyində dəyişikliklər isə rəsmi Parisin təzyiqləri fonunda formalaşıb”.

Ekspert bildirib ki, Avropa İttifaqı əvvəlki kursundan yayınır və  konkret məsələlər yox, erməni iddiaları ilə məsələyə qatılır: “Azərbaycan və Ermənistan arasında danışıqlar üçün üçüncü tərəfin iştirakı olmadan ikitərəfli format daha məqbuldur”.

Günay