Çin əhalisi ərzağa və qeyri-ərzağa nə qədər pul xərcləyir?
Çin Ticarət Nazirliyinin açıqladığı məlumatlara görə, bu ilin ilk 9 ayında ölkə daxilində istehlak mallarının ümumi pərakəndə satışı keçən ilin eyni dövrü ilə müqayisədə 6,8 faiz artaraq 34,2 trilyon yuana (4,68 trilyon dollar) çatıb.
Sfera.az xəbər verir ki, bir dollar 7,3 yuana bərabərdir.
Çində sentyabr ayında isə istehlak mallarının ümumi pərakəndə satışı ötən ilin eyni dövrü ilə müqayisədə 5,5 faiz artaraq 3,98 trilyon yuana (545 milyard dollar) çatıb.
Qeyd edək ki, pərakəndə ticarət dedikdə ərzaq və qeyri-ərzaq mallarının ticarəti nəzərdə tutulur. Çin əhalisinin ilbəil gəlirinin artması pərakəndə xərcləri də artırır. İlk 9 ayda çinlilər pərakəndə ticarətdə adambaşına 3250 dollar pul xərcləyib.
Müqayisə üçün bildirək ki, 2023-cü ilin ilk 9 ayında Azərbaycanda pərakəndə ticarətin həcmi 24,1 milyard dollar olub. Bunun adambaşına düşən hissəsi isə 2370 dollar təşkil edib.
Vasif