Ötən gün Tehranda “3+3” formatı çərçivəsində Azərbaycan və Ermənistan xarici işlər nazirlərinin ikitərəfli görüşü baş tutub.

Maraqlıdır, İran iki ölkə arasında sülh müqaviləsinin bağlanmasında vasitəçi ola bilərmi?

Mövzuyla bağlı Sfera.az-a açıqlama verən politoloq Məhəmməd Əsədullazadə deyib ki, Tehran regiondakı mövcud reallıqla barışmasa da, sonda “3+3” formatını qəbul edərək, əməkdaşlığa dayanan mövqe ortaya qoyub:

“İranın əməkdaşlıqda nə qədər maraqlı olacağı yaxın perspektivdə məlum olacaq. Azərbaycan Tehranda “3+3” formatında xarici işlər nazirlərinin görüşündə problem görmədi. Bu, bir növ İrana jest idi. Tehran regional siyasətdə Azərbaycana qarşı sərt mövqe sərgiləməyəcəyi barədə söz verib. Amma İran hakimiyyətindən fərqli olaraq SEPAH və onun nəzarətində olan media qurumları Azərbaycana qarşı  informasiya savaşını dayandırmır”.

Ekspert bildirib ki, İranın Ermənistan və Azərbaycanla sülh müqaviləsinin bağlanmasında əsas vasitəçiliyi mümkün deyil:

“Bunun üçün nə hüquqi, nə də siyasi müstəvidə beynəlxalq imicə malik deyil. Bundan əlavə, Azərbaycan-İran əlaqələrinin inkişafı Tehranın atacağı addımlardan asılı olacaq”.

Günay