Astronavt Tim Pik "The Telegraph" üçün kosmosda olmaqla Yerdə olmaq arasındakı fərqdən bəhs edən yazı yazıb.

Sfera.az həmin yazını təqdim edir:

Saat 7

Zəngli saat bizi oyadır. Yatağın həyat yoldaşım (Rebekka müəllim) yatan tərəfində olduğuna görə saatla o məşğul olur. Sonra bir fincan çay hazırlayacağam ki, hər şey düzəlsin.

Saat 8

Uşaqları (cütlüyün 14 və 11 yaşlı iki oğlu var) oyandıracağıq - onlar məktəbdə dinamik bir həftə keçirdiklərindən yorğundurlar. Səhər yeməyimizi yeyəcəyik. Astronavt olmağın yaxşı tərəfi odur ki, mən yeməkdə çox seçici deyiləm. 18 il orduda, 10 il isə kosmos sənayesində olanda buna alışırsınız. Kosmosda səhər yeməyi çox darıxdırıcıdır. Təzə süd və ya təzə meyvə yoxdur, ona görə də yəqin ki, sıyıq kimi səhər yeməyi yeyəcəksiniz. Geri qayıdanda (2016-cı ildə, Beynəlxalq Kosmik Stansiyada altı aydan sonra) Yerdəki yeməkləri, məsələn, təzə çörək və yeməklə əlaqələndirdiyiniz qoxuları çox yüksək qiymətləndirdim. Kosmosda qida ilə bağlı bir şey də var ki, siz həqiqətən qoxusunu hiss etmirsiniz. Hamısı paketdə tam möhürlənmişdir və isti hava kosmosda qalxmır. Beləliklə, yemək zamanı heç bir qoxu almırsınız. Yeməklər həmçinin duzsuz olur, çünki duz sümük sıxlığı itkimizi artırır. Buna görə də yemək həvəskarısınızsa, kifayət qədər yumşaq, rehidratlaşdırılmış, qablaşdırılmış, konservləşdirilmiş və ya şüalanmış qidalar yediyinizi düşünürsünüzsə, burada yaxşı vaxt keçirməyəcəksiniz.Yerdəki sadə bir qab qranola kosmosdakı hər səhər yeməyindən daha dadlıdır. 

Saat 9

Adətən oğlanların məktəbdə və ya daha uzaqlarda idmanı,  reqbi və ya qayayadırmanma oyunu olur. Güman edirəm ki, valideyn olan oxuculardan hər hansı biri biləcək ki, evdən çıxmaq özü böyük problemdir. Xüsusən də iki fərqli yerdə iki fərqli idman növü ilə məşğul olan uşağınız varsa. İtimiz 4 yaşlı Vudini səhər gəzintisi üçün (Çiçester yaxınlığı) aparacağıq.

11.30

Bəzən biz gedib ailəvi qəlyanaltı- süd kokteylindən və ya kofedən ləzzət alırıq. Oğlanların böyüyüb astronavt olub-olmayacağını bilmirəm. Bir valideyn olaraq edə biləcəyiniz tək şey uşaqlarınızı mümkün qədər çox fərqli imkanlarla tanış etməyə çalışmaq və onlara bu seçimi etməyə imkan verməkdir. Amma böyük oğlumun pilotluğa meyli var. Kadet məktəbində təyyarələri çox sevirdi.

13:00

Dostlarla itlərimizi gəzdirmək üçün görüşəcəyik və sosiallaşmaq üçün bir şey edəcəyik. Biz cənub sahilinə yaxın yaşayırıq, ona görə də dənizə enmək həmişə xoşdur. Əgər payız və ya qışdırsa, bu, dağ velosipedi və ya Cənub Dounsda gözəl gəzinti də ola bilər. Yeri kosmosdan görmək sizə onun üçün tamamilə yeni bir qiymət verir. Kosmos heyrətamizdir, lakin bu, olduqca steril bir mühitdir, nə yaşıllıq, nə də təbiət var və siz altı aydır kosmik stansiyada olduğunuz zaman təmiz havanı itirməyə başlayırsınız. Yağış, hava, ağaclar və meşələr üçün darıxmağa başlayırsınız. Kosmosdan qayıdanda iki və ya üç gün təkbaşına çölə çıxmağa icazə verilmir, çünki karantindəsən. Ancaq karantin bitəndən sonra yenidən təbiətin əhatəsində olmaq ecazkar olur.

16:00

Günortadan sonra bir stəkan çay içəcəyik və ya yaxınlıqdakı valideynlərimi ziyarət edəcəyik. Sonra evə gedirik. Tez-tez uşaqlara film seçməyə icazə veririk. Mən kosmik filmləri sevirəm – Marslı, Ulduzlararası... “Apollo 13” mütləq sevimli filmimdir. Mən orda oturub elmin düzgün olmadığından gileylənən tənqidçilərdən deyiləm. Həyat yoldaşım adətən nahar bişirir. 

Rahat şənbə axşamı keçirmək xoşdur, çünki həftə içi çox məşğul oluruq. Mən çoxlu maarifləndirici təbliğat və araşdırmalar aparıram və indicə çox vaxt aparan bir kitab yazdım (Space: The Human Story, 26 oktyabr, 22 funt sterlinq).

 22.00

Həftənnin gündəmini oxuyaraq xəbərlərdən məlumatlı olacağam. Axşam saat 23:00-da yatmağı xoşlayıram, amma yuxuya getməyim həmişə gecə yarısına yaxın olur.

Aynil Camal