Britni Spirs “The Woman in Me” (“İçimdəki qadın”) adlı yeni memuarında sosial şəbəkələrdə niyə tez-tez çılpaq foto və ya videolar yerləşdirməsinin səbəbini açıqlayıb.
 

Sfera.az bildirir ki, Britni Spirsin sosial şəbəkələrdə açıq-saçıq paylaşımlarına görə oğlanları Şon və Ceyden ondan üz döndəriblər. Uşaqlar atası Kevin Federlayn ilə Havayda yaşayırlar.

Britni öz memuarında yazır: “Bilirəm ki, çoxları niyə özümü çılpaq və ya açıq paltarda çəkməyi xoşladığımı başa düşmür.
Amma düşünürəm ki, əgər onların da şəklini başqaları çəksə, anlayacaqlar ki, özünü seksual hiss etdirəcək şəkildə poza vermək necə çətin olur. Əksərən şəkilləri özüm çəkməkdən böyük həzz alıram" - deyə Britni bildirib.

2021-ci ilin payızında atasının 13 illik qəyyumluğundan azad olan Spirs, son bir neçə ildə sosial media hesabında açıq-saçıq görüntülər yerləşdirməyə meylli olub. Bu səbəbdən ulduzun hər iki oğlu Şon və Ceydenlə münasibətlərinin gərgin olduğu bildirilirdi.
 

Bundan əlavə, Britni Spirs xatirə kitabının nəşri ərəfəsində qəribə bir status da paylaşıb.

Qeyd edək ki, kitab hələ nəşr olunmamışdan əvvəl çox səs-küyə səbəb olmuş və sənətçi ilə əlaqəsi olan hər kəsi əsəbiləşdirib. Müəllifin İnstaqramda yeni paylaşımı isə kitaba marağı daha da artırıb. Bu qədər maraq kitabın partlayış edəcəyinə işarədir.
 

Spirs İnstagramdakı səhifəsində "Cəhənnəmdə görüşənədək" başlığı ilə ürək formalı tort şəklini paylaşıb. O, statusu bir neçə emojili başlıqla paylaşıb və ənənəvi olaraq şərh yerini bağlayıb.

Britni bildirib ki, “İçimdəki Qadın” kitabı onun həyatı haqqında bütün həqiqəti mediadakı xəbər və dedi-qodular vasitəsilə deyil, birinci şəxs kimi söyləmək üsuludur. Hətta mətbuata sızan nadir açıqlamalar belə kitabın çox səmimi olacağını və pərəstişkarlarının 90-cı illərin sonlarının pop ikonu haqqında çoxlu yeni şeylər öyrənəcəyini göstərir.


Məsələn, sənətçi ilk dəfə 14 yaşında böyük qardaşı Brianın 17 yaşlı ən yaxın dostu ilə birlikdə olduğunu yazır. Bununla belə, o, əvvəllər Castin Timberleykin onun ilk kişisi olduğu bildirilmişdi.
 

Ulduz həmçinin etiraf edib ki, 19 yaşında Timberleykdən hamilə qalaraq, abort etdirib. Spirs bunun onun üçün çox ağrılı qərar olduğunu vurğulasa da, Timberleykin erkən ata olmağa hazır olmadığını və körpəni istəmədiyini yazıb.
 

Atası Ceymi Spirs isə Britninin kitabını oxumaq fikrində deyil. Yaxın dostu Paris Hilton isə kitabı səbirsizliklə gözləyir və Britnini bu nailiyyəti münasibətilə təbrik edib.

Aynil

Sfera.az