Adətən insanlar arasında daim xoş əhval ruhiyyədə qalmağa çalışan amerikalı aktrisa və müğənni Cennifer Lopez də bəzən əsəblərini cilovlaya bilmir.
 

Sfera.az bildirir ki, bu dəfə müğənni ictimaiyyət arasında özünə xarakterik olmayan tərzdə görüntülənib. Məşhurun ​​əhval-ruhiyyəsi yaxşı olmayıb və əlində kamera olan insanlara çox kəskin reaksiya verib.
 

Ben Affleklə Los-Ancelesdə McDonald's-a gələn Lopez çox da xoşbəxt görünməyib. O, paparassiləri görəndə özünü saxlaya bilməyib və onlara orta barmağını göstərib. Bu zaman sifarişi götürməyə gedən həyat yoldaşı maşına qayıdıb.


Bu, məşhur cütlüyün fast food restoranları şəbəkəsində ilk dəfə görüntülənməsi deyil. Onlar son həftə ərzində bir neçə dəfə burger və kartof qızartması üçün restorana gəliblər. Ən son isə uşaqları ilə birlikdə görünüblər.
 

Ben və Lopezin ailəsində toydan sonrakı ilk aylardan bəri heç nəyin yolunda getmədiyi barədə şayiələr yayılıb. Cennifer həyat yoldaşını “turşumuş” üz ifadəsinə görə dəfələrlə danlayıb. Guya, bu yaxınlarda aktyorun ortaq uşaqları ilə vaxt keçirərkən keçmiş həyat yoldaşı Cennifer Qarnerlə birlikdə olmasını tamamilə qısqanıb.
 

Buna baxmayaraq, bu söz-söhbət öz təsdiqini tapmayıb. Belə ki, bu yaxınlarda Ben yenidən Qarnerin yanında görünüb. Onlar oğlunu birlikdə basketbol oyununa aparıblar.

Aysel

Sfera.az