Fələstinli qadın Rolex və Chanel aksesuarları ilə Qəzzada yoxsulluqdan şikayətləndi - FOTO
Ravan Kassab adlı fələstinli qadın “Rolex”, “Chanel” və “Hermes” brendlərinin aksesuarları taxaraq Qəzza zolağındakı yoxsulluqdan şikayətlənib.
Sfera.az bildirir ki, Düsseldorfda Fələstin uğrunda yürüş və mitinq keçirilib. Kassab da həmin yürüşdə iştirak edib. O, səhnədən İsrail əleyhinə şüarlar səsləndirib.
“Bild”in məlumatına görə, qızın əynində 5000 avro dəyərində “Rolex” saatı, 1800 avro dəyərində “Chanel” idman ayaqqabısı və 615 avro dəyərində “Hermes” qolbağı olub.
O, qadın və uşaqların ölümündə İsraili günahlandırıb və ölkəni “seriyalı qatil” adlandırıb.
Nəşrin nümayəndələri ilə söhbətində Kassab Almaniyada doğulduğunu və yaşadığını, eyni zamanda özünü fələstinli hesab etdiyini bildirib. Qadının adı polisdə qeydiyyatda deyil.
İslam eksperti Ralf Ghadban qadının Qəzza zolağının acınacaqlı vəziyyətindən məhz dəbdəbəli əşyalar geyinərək danışmasının şübhəli olduğunu qeyd edib. Bu, həm də mütəxəssisin qeyd etdiyi kimi, Almaniyada bütün mümkün vasitələrlə İsrailə nifrətin qızışdırıldığını göstərir.
Bundan əvvəl, oktyabrın 7-də Həmas terrorçuları Qəzza zolağından İsrailə qarşı hücuma keçib. Terrorçular İsrailin cənub bölgələrinə hücum edərək bir neçə şəhəri nəzarətə götürüb, həmçinin yüzdən çox insanı girov götürüblər. Terrorçular Qəzza zolağı ilə sərhəd yaxınlığında təşkil edilən musiqi festivalına gələnləri də güllələyiblər.
Sonradan İsraildə rəsmi müharibə elanı olan “40-cı maddə Alef” tətbiq olunub. Xatırladaq ki, sonuncu dəfə bu bənd 1973-cü ildə Yom Kippur müharibəsi başlayanda tətbiq edilib.
Aysel
Sfera.az
