“Beynəlxalq hesabatlarda qeyd edilir ki, Azərbaycan universitetləri yüksək keyfiyyətli, dünya elminə töhfə verə biləcək tədqiqatlar ortaya qoymağa qabil deyil”.

Bunu Sfera.az-a açıqlamasında təhsil eksperti Kamran Əsədov deyib:

“Bu səbəbdən də universitetlər beynəlxalq tədqiqat proqramları ilə əməkdaşlıq edə bilmir”. 

Qeyd edək ki, müqayisəli statistik göstəricilər də bunu təsdiqləyir. Azərbaycanda elmi-tədqiqatın əsas beynəlxalq maliyyəçisi Avropa İttifaqıdır (Aİ). Üçüncü ölkə kimi Azərbaycan Aİ-nin əsas tədqiqat və innovasiya fondu olan Horizon 2020 proqramından yararlana bilirdi. Buna baxmayaraq, aşağıdakı cədvəldə göründüyü kimi, digər Cənubi Qafqaz ölkələri ilə müqayisədə, Azərbaycan bu proqram çərçivəsində potensial əməkdaşlıqlarda olduqca zəif iştirak edib. Xüsusilə də, əhali sayına nisbətdə bu rəqəmlər narahatedicidir və bu, Azərbaycanda elm sahəsində ciddi institusional, infrastruktur, iqtisadi və siyasi islahatlara gərək olduğunu göstərir.

Cənubi Qafqaz ölkələrinin Aİ-nin Horizon 2020 tədqiqat və innovasiya fondu ilə əməkdaşlıq üzrə əsas göstəriciləri:

Nəticələr onu göstərir ki, ali təhsilin ən önəmli funksiyalarından olan tədqiqatın inkişafı ölkədaxili fəaliyyət istiqamətlərindən kənarda qalıb.

Firuzə Əliyeva