Dünyada inflyasiya bir qədər də azalacaq – Son proqnoz

“Bloomberg” analitiklərinin proqnozuna əsasən dünyada inflyasiya səviyyəsi 2023-cü ilin dördüncü rübündə bir qədər də azalacaq.

Sfera.az “Bloomberg”ə istinadən xəbər verir ki,  2023-cü ilin son rübündə qlobal inflyasiya 6,4 faizə düşəcək. Müqayisə üçün xatırladaq ki, 2022-ci ilin sonunda qlobal inflyasiya 9,3 faiz olmuşdu.

Analitiklər 2024-cü ilin dördüncü rübündə qlobal inflyasiyanın bir qədər də azalaraq 4,6 faiz olacağını gözləyir.

İnflyasiya səviyyəsi inkişaf etməkdə olan ölkələrdə daha yüksək olacaq. Bunun səbəbi Türkiyə və Argentinadakı yüksək qiymət artımlarıdır. Adıçəkilən hər iki ölkədə illik inflyasiyanın 50 faizdən yüksək olması ümumən inkişaf etməkdə olan ölkələri əhatə edən inflyasiyanın daha çox artmasına səbəb olur. Proqnoza görə inkişaf etməkdə olan ölkələrdə inflyasiya 2023-cü ildə 14,3 faiz, 2024-cü ilin dördüncü rübündə isə 9,8 olacaq.

Vasif