ABŞ İsraili Qəzzaya hücumu dayandırmağa çağırıb.

Sfera.az bildirir ki, bu barədə “The New York Times” qəzeti iddia irəli sürüb.

“Bayden administrasiyası girovlarla bağlı danışıqlar, fələstinlilərə yardımın çatdırılması və daha çox mülki itkilərin qarşısının alınması yollarının müəyyən edilməsi üçün daha çox vaxt lazım olduğunu bildirib”, deyə nəşr qeyd edib.

Qəzetə danışan iki ABŞ rəsmisi bildirib ki, israillilərə quru əməliyyatları təxirə salmaq məsləhətini müdafiə naziri III Lloyd J. Austin çatdırıb. Bildirilib ki, sözügedən təklif qəbul olunarsa, müharibənin gedişatı dəyişə bilər.

Lakin  İsrail müdafiə nazirinin sözçüsü Yoav Gallant bu iddianı təkzib edib. “CBS News”un “Face the Nation” proqramında iştirak edən ABŞ Dövlət Katibi Antoni Blinken də Vaşinqtonun İsraildən quru hücumunu təxirə salmasını xahiş edib-etmədiyi sualına birbaşa cavab verməkdən imtina edib. Bununla belə, o, ABŞ-nin hücumla bağlı israillilərə məsləhət verdiyini vurğulayıb.

Qeyd edək ki, İsrail ordusu dünən gecə Qəzzanın müxtəlif bölgələrinə ən böyük hücumlarından birini gerçəkləşdirib, yüzlərlə fələstinli həyatını itirib.

Günay