Oktyabrın 20-nə açılan səhəri Böyük Britaniya Kent sakinləri səmanın çəhrayı rəngə boyanması ilə qarşılayıblar.

Sübh açılmamışdan bir qədər əvvəl çəkilmiş fotoşəkillərdə səma çox qeyri-adi görünüb. Göy üzü sanki elmi-fantastik filmlərdəki kimi parlayıb.
 

Sfera.az xəbər verir ki, ingilislər sosial şəbəkələrdə qeyri-adi görüntünün fotoşəkillərini paylaşaraq, bunu “dünyanın sonu” adlandırıblar.

Çaşmış yerli sakinlər bu parıltının səbəninin nə olduğunu təxmin etməkdə çətinlik çəkiblər.
 

Artıq parıltının səbəbi müəyyən edilib. Cavab əslində elmə əsaslansa da, bir qədər də məzəlidir. Bu, 400 milyon pomidor, 30 milyon xiyar və 24 milyon bibər yetişdirən bir kənd təsərrüfatı şirkətinin süni işığıdır. “Thanet Earth” Thanet adasındakı Birçinqtonda yerləşən böyük sənaye zavodudur. Həmçinin 90 hektar ərazini əhatə edən ölkənin ən böyük istixana kompleksidir.
 

Bu kompleks üçün uzun günəşli günlərin sayına görə İngiltərənin cənub-şərq daha əlverişli ərazi olaraq seçilib. Bu da bitkilərin inkişafına həqiqətən faydalı olub. Bununla belə, Britaniyada qış hələ də problem yaradır, çünki bitkilər günəş işığına ehtiyac duyurlar. Məhz bu səbəbdən də ilin bu vaxtında süni alternativlərdən istifadə olunur.
 

“Thanet Earth” artıq bu vəziyyətlə bağlı şərh verib. Çəhrayı LED işıqlarının belə kütləvi əks olunması daim bu cür qorxulu, rəngli parıltı ilə nəticələnir.

“Ruh qovanları çağırmağa ehtiyac yoxdur, heç bir fövqəltəbii varlıq Thaneti işğal etməyib”  - deyə şirkət həm də zarafat edib.

Aynil
Sfera.az