“Paşinyan sülh danışıqlarında muxtariyyət məsələsini masaya gətirə bilər”.

Sfera.az bildirir ki, bunu politoloq Məhəmməd Əsədullazadə deyib. Onun sözlərinə görə, Ermənistan Baş nazirinin bunu ermənilərin Qarabağa qayıtması fonunda təklif etməsi mümkündür:

“Ermənistan tərəfi Samvel Babayanı bu istiqamətdə təlimatlandırıb. Onlar Azərbaycana təzyiq etməklə güzəştlərə nail olmaq istəyirlər.  Amma Ermənistan rəhbərliyi hələ də fərqində deyil ki, 30 il ərzində işğal olunmuş ərazilərdə ordu və qondarma rejim qurmalarına baxmayaraq, Azərbaycan onu qısa müddətdə tam məhv etdi”.

Ekspert əlavə edib ki, Ermənistan belə şərtlə çıxış edəcəksə, sülh danışıqları müsbət nəticənlənməyəcək.

Xatırladaq ki, ötən gün Paşinyan Ermənistanın ilin sonunadək Azərbaycanla sülh müqaviləsini imzalamağa və münasibətləri tənzimləməyə hazır olduğunu deyib. Ötən gün Strasburqda Avropa Parlamenti qarşısında çıxış edən Ermənistan Baş naziri Cənubi Qafqazda sülhün, iqtisadi, siyasi və mədəni əlaqələrin vacib olduğunu qeyd edib.

Türkan