ABŞ Venesuelaya qarşı tətbiq etdiyi neft sanksiyalarını 6 ay müddətində ləğv edib. 

Sfera.az xəbər verir ki, bu, Nikolos Maduro hökumətinin gələn il keçiriləcək seçkilərdə müxalifətin də iştirakına razılıq verməsindən sonra baş tutub. 

Qəbul edilən qərardan sonra, Venesuelanın dövlət şirkəti olan PDVSA-nın ixrac qabiliyyəti artacaq. Gündəlik istehsalın təxminən 200 min barel artacağı gözlənilir. Bu, ölkədəki istehsalın 25 faiz artması deməkdir. 

ABŞ-nin sanksiyaları yumşaltması İsrail və HƏMAS arasındakı hərbi qarşıdurmanın neft qiymətlərinə təsirini neytrallaşdırmağa kömək edəcək. Oktyabrın 7-də silahlı qarşıdurmanın baş verməsi neft və qaz qiymətlərinin yüksəlməsinə səbəb olmuşdu. 

Bazarda qiymət artımlarının daha da güclənməməsi üçün ABŞ Venesuellaya güzəştə getməli oldu. Bu gün birjalar açılanda “Brent” nefti 1 faizdən çox ucuzlaşıb. Sanksiyaların yumşaldılmasının uzunmüddətli təsiri isə qarşıdakı günlərdə bəlli olacaq.  

Vasif