Lavrov: “İranın günahlandırılması təxribatdır”
"Fələstin-İsrail konfliktinin regional münaqişəyə çevrilmə riski kifayət qədər böyükdür".
Sfera.az xəbər verir ki, bunu Rusiyanın xarici işlər naziri Sergey Lavrov deyib.
O, bildirib ki, ölkəsi baş verənlərdə İranın ittiham edilməsi cəhdlərini təxribat hesab edir. Lavrov əlavə edib ki, İran rəhbərliyi kifayət qədər məsuliyyətli və balanslı mövqe tutur.
"Bu, münaqişənin bütün regiona və qonşu ölkələrə yayılmasının qarşısını almağa çağırırıq", - Rusiya XİN rəhbəri vəziyyəti dəyərləndirib .
Lavrov bundan əvvəl demişdi ki, İsrail və Fələstin arasında münaqişə zonasında mövcud status-kvo qəbuledilməzdir. Onun sözlərinə görə, Rusiya və Ərəb Dövlətləri Liqasına üzv olan ölkələr İsrail və Fələstin münaqişəsində qan tökülməsinə son qoymağa öz töhfəsini verməyə qadirdir.
Əzizə
