Bayden Netanyahuya: Bilirəm ki, bunu siz etməmisiniz...”
ABŞ prezidenti Co Bayden Əl-Əhli xəstəxanasına edilən hücumdan danışıb.
Sfera.az bildirir ki, o, Qəzzadakı hadisəyə görə İsraili deyil, başqalarını günahlandırıb. Bayden bu barədə İsrailin baş naziri Benyamin Netanyahu ilə görüşündə söyləyib.
“Qəzzada dünənki xəstəxana partlayışına görə çox kədərlənir və qəzəblənirəm. Gördüklərimə əsasən deyə bilərəm ki, bunu siz yox, başqa tərəf edib”, deyə ABŞ prezidenti deyib.
Qeyd edək ki, Qəzzada xəstəxanaya raket hücumu nəticəsində 600 nəfərin öldüyü bildirilir. Mahmud Abbas olayla bağlı Fələstində 3 günlük matəm elan edib. Dünyanın əksər lideri bu hücumu pisləyib, eyni zamanda, Əmmanda insanlar İsrail səfirliyinə hücum edib. İsrail ordusu isə hücum etmədiyini, “İslami-Cihad”ın İsrailə atmaq istədiyi raketin xəstəxanaya düşdüyünü bildirib.
Günay
