Azərbaycanda ötən il nə qədər gənc dünyasını dəyişib? – RƏQƏMLƏR

Azərbaycanda ötən il 1 532 gənc dünyasını dəyişib. 

Sfera.az rəsmi məlumatlara istinadən xəbər verir ki, dünyasını dəyişən gənclər ölkəmizdə ölən insanların (60 810 nəfər) 2,52 faizini təşkil edib. 

Son illərdə gənclərin sayının azalması səbəbindən ölüm sayında da azalma qeydə alınır. 2000-2011-ci illərdə hər il 1700-1800 gənc dünyasını dəyişdiyi halda, son illərdə bu göstərici 1300-1500 səviyyəsinə qədər geriləyib. Ən az ölüm 2018-ci ildə qeydə alınıb (1 327).

Yalnız 2020-ci və 2021-ci ildə gənclərin ölüm sayında artım baş verib. 2020-ci ildə 3 530 gənc dünyasını dəyişib ki, bunun da əsas səbəbi 44 günlük Vətən müharibəsi və COVID-19 virusunun yayılması olub. 

2021-ci ildə ölüm sayı 1 707-yə düşüb ki, həmin ildə də COVID-19 virusunun yayılmasının təsirləri görünür.

2022-ci ildə isə ölüm sayı bir qədər də azalıb. 

Gənclər arasında dünyasını dəyişənlərin böyük hissəsini kişilər təşkil edir. Ötən il ölən 1 532 gəncin 1 060 nəfəri kişi, 472 nəfəri qadın olub. 

Gənclər arasında ən çox ölüm 25-29 yaş arasında müşahidə olunur. Ötən il bu yaş aralığında 626 gənc dünyasını dəyişib. Ən az ölüm isə 15-19 yaş aralığında baş verib. Bu yaş qrupunda 374 gənc ölüb. 

Vasif