Oktyabrın 16-da axşam saatlarında Brüsselin mərkəzində terror aktı törətməkdə və iki İsveç vətəndaşını öldürməkdə şübhəli bilinən şəxs saxlanılması üçün keçirilən əməliyyat zamanı aldığı xəsarətlərdən xəstəxanada ölüb.
 

Sfera.az bildirir ki, Belçika mediası ilkin olaraq mənbələrə istinadən polisin səhər saatlarında zərərsizləşdirdiyi yaralı silahlı şəxsin əslən Tunisdən olan Abdesalem L. olduğunu qeyd edib. Onun yerli vaxtla saat 09:30 radələrində reanimasiyada dünyasını dəyişdiyi bildirilib.
 

Tezliklə prokurorluq da xəbəri təsdiqləyib.
 

Abdesalem əslən Tunisdən olub və Belçikanın paytaxtı Brüsselə yeni gəlib.
 

İstintaqın ilkin məlumatına görə, o, 2019-cu ildə sığınacaq üçün müraciət edib, lakin təxminən bir il sonra bu müraciət rədd edilib. Lakin bu qərara baxmayaraq, o, indiyədək Belçikada qalıb.
 

Ədliyyə naziri Vincent van Quikenbornun sözlərinə görə, həmin şəxs ölkədə qeyri-qanuni olmaqla yanaşı, insan alverində iştirakda və “milli təhlükəsizliyə təhdid yaratmaqda” şübhəli bilinərək polisin axtarışında olub.
 

2016-cı ildə xarici hüquq-mühafizə orqanları Abdesalem-in radikal baxışları və potensial cihadçı kimi radikallaşmaq meylləri barədə Belçikaya məlumat verib. Nazirin açıqlamasına görə, o zamanlar çoxlu sayda oxşar xəbərlər olduğuna görə, burada qeyri-adi heç nə uoxdu müstəsna bir şey deyildi.
 

Nisbətən bu yaxınlarda bir qaçqın mərkəzindən bir şəxs nəyəsə görə Abdesalemdən şikayət edib. Həmin şəxs deyib ki, guya həmin şəxs vətəni Tunisdə terror aktlarına görə təqib olunur. Abdesalemin qanunla bağlı başqa problemləri olmasına baxmayaraq,
Audit bunu təsdiqləməyib.
 

Ədliyyə naziri deyir ki, Belçika rəsmiləri həmin şəxsin dərhal təhlükə yaratdığına dair heç bir əlamət görməyib.
 

Xatırladaq ki, oktyabrın 16-da bir nəfər Brüsselin mərkəzində futbol azarkeşi olduğu güman edilən iki nəfəri güllələyib. Daha sonra o, İŞİD-ə bağlı olduğunu bəyan etdiyi videomüraciət yayımlayıb və qətlləri “müsəlmanların qisası” kimi izah edib.

Aysel

Sfera.az