Rublun bəzi əskinaslarının dizaynı yenilənib
Rusiya Mərkəzi Bankı 1 min və 5 min rubl nominalında pul nişanlarını yeni dizaynda təqdim edib.
Sfera.az xəbər verir ki, yeni əskinasların rəng dizaynı dəyişməz olaraq qalır, lakin banknotun üzərində yerləşdirilmiş orientirlər dəyişib.
Rusiya şəhərlərinin simvolik təsvirlərini əks etdirən əskinasların satışına beş regionda başlanılacaq. Yenilənmiş 1 min rublluq əskinas Nijni Novqorod və Volqa Federal Dairəsinə həsr olunub. Yenilənmiş 5 min rublluq əskinas isə Yekaterinburqa və Ural Federal Dairəsinə həsr olunub.
Əskinaslar tədricən dövriyyəyə daxil olacaq və 1997-ci ilin əskinasları ilə bərabər dövriyyədə olacaq. Əskinasın dizaynı yeniləndikdən sonra əvvəlki versiyalar da sərbəst dövriyyədə qalacaq. Bununla belə, Mərkəzi Bank 1 min və 5 min rubl nominalında köhnə əskinasların çapını dayandıracaq.
Vasif
